HayleyLeung

HayleyLeung的BLOG

HayleyLeung的主頁 | 查看全部BLOG
自我介紹:
|


BLOG分類

#Eat With Hayley ❤負卡路里食物? 多吃有助瘦身嗎?

標籤飲食  運動  減肥  負卡路里食物  卡路里  食物  2015-11-18 16:39

是否有「負卡路里食物」? 多吃 這類食物有助瘦身嗎?

 

其實真係有負卡路里食物架!不過咩係負卡路里食物?

 

其實我地既身體內臟係消化緊食物既時候,同時都需要靠燃燒脂肪去獲得能量,而某d食物有一種特性,就係佢地既卡路里含量仲低過需要去消佢用既能量。即係消化完之後既結果係「負」卡路里。

 

講白d啦!即係你食左一個蘋果,而個蘋果就有50kcal,不過身體就需要用75kcal黎消化同埋吸收佢,即係話你既身體會額外消耗多25kcal。

 

事實上,其實我地身邊好多食物都有負卡路里既特質,例如蔬菜,水果。

呢d食物都有大量既纖維,身體消化唔到纖維,所以能可以幫助改善排便情況,排出體內過多毒素。仲可以穩定血糖,提供飽肚感,避免食過多熱量。

 

 

西芹係其中一個負卡路里食物例子。佢含有豐富水溶性&非水溶性纖維,又有晒上面提到高纖食物既所有優點。對於瘦身人士,西芹係一種非常好既零食選擇,用黎取代唔健康既零食:朱古力,餅乾,薯片。

 

另外一種負卡路里食物既例子係蒟蒻,即係芋絲。佢既熱量非常之低,同時又含有豐富既「蒟蒻纖維素 」。加上擁有大量水溶性纖維,又唔會比身體消化,可以延長飽肚感,促進減肥成效。

再比多d例子大家:

蔬菜類:茄子,西蘭花,椰菜,蘿蔔,椰菜花,白菜,綠豆,生菜,菇類,洋蔥等。
生果類:蘋果,香蕉,莓,西柚,提子,芭樂、奇異果,木瓜,士多啤梨,橙等。
果仁類:巴西果仁,杏仁,栗子,椰子,夏威夷果仁,花生,核桃等。

 

不過:

只有係生吃或者唔需要煮得太熟既食物、新鮮水果同埋果仁,先會有負卡路里作用。

-經過曬乾,醃制過,燒烤過同埋製成罐頭既食物,就唔會有負卡路里既作用啦。

 

雖然負卡路里食物有助減肥,不過用黎取代零食好啦!除左負卡路里食物,每日都需要攝取碳水化合物,蛋白質,脂肪,要達到均衡飲食。

詳情請向你的營養師查詢。

 

 

Like埋我Facebook Page啦 : #EatWithHayley !:

https://www.facebook.com/eatwithhayley/?fref=ts

分享 2761 次閱讀 | 0 個healthyD評論
請按【讚好】!
讓更多網友天天分享到healthyD的健康快樂資訊。:D
全部(1)

我撐你

Facebook 評論


 

healthyD 評論


您需要先登入才能繼續本操作