Sandra

Sandra的BLOG

Sandra的主頁 | 查看全部BLOG
自我介紹:
學生時代做盡不健康的事, 無悔青春(XD); 現在努力尋找健康的養生之道(不過知易行難:P), 是個熱愛天然同有機產品的小子!!:D


我的n月前甲溝炎之苦

標籤甲溝炎  甲溝  手指發炎  2013-01-25 18:14
還我美手 杜絕乾燥惹的禍」入面提到的倒刺導致甲溝炎問題...真的是我活生生的寫照啊...忍不住把這段已經發生了超過1年的事件記錄一下:

話說本人向來都滿容易長倒刺的,而且又有一個怪癖,特別喜愛用手拔,就是不喜歡用指甲鉗剪走

年半前的某天,如常的拔倒刺,然後如常地生活,直至某一天...

「咦...做乜突然隻手指咁痛ge?!」以為自己是撞到或者甚麼就沒加以理會
豈料日復一日,少少痛慢慢變成掂一掂都痛、有時還帶點痕癢、然後好像開始覺得手指有點「慶」又有點腫,之後就開始見到指甲裡面有些白白的東西!

看得見那點白色嗎? 其實除了指甲內的白色,是接連著外邊也有白色的,而且有點紅腫!!!

我一直想,應該會自己好轉的...所以一直都沒有看醫生...但直至連打字都要避開這隻中指不能打的痛楚之後,我才死死氣走去看普通科醫生

醫生一看說「哇你指甲入面有膿喇,我地呢度幫唔到你做,我寫紙你去睇急症啦」

正是我當時的表情,心諗「睇急症?! 乜咁嚴重架咩?」
其時7點多,匆匆吃過飯就去睇急症
還記得那時候好像被編到半緊急類別的那種,我在想「原來真係幾嚴重wor,都半緊急類別...」
而話雖如此,但我仍然由8點多等到半夜先輪到我

醫生哥哥一來就說「哦,你手指發炎呀,係咪蚊倒刺黎呀...」此時才恍然大悟,原來是我手多之錯
醫生再說「拿,我試下唔幫你揭起隻指甲睇下放唔放到膿啦...如果你返到去之後發現d膿清唔哂,就要揭甲整ga la」
大驚!!!揭開隻指甲放膿?! 沒了指甲咁手指點算啊?? 幾時先生返指甲出來啊??? 千萬不要啊醫生!!!

然後醫生就替我打了少少麻醉藥,唔知點樣幫我放膿 (因為我好驚,佢拎哂d鉗呀乜乜物物出哂黎...我唔敢望)
而雖然打了麻醉藥,但其實放膿時都是有點痛的

看完之後已經夜深,第二天還要返工...而且最煩的是要跟足日子去街症洗傷口

某次洗傷口後姑娘替我包紮的,最初醫生替我包的好像還要再大一點! (而且剛巧那時工作,有美容師替我塗指甲油,這甲油的確很漂亮,不過我的中指這個樣子配合起來就是很奇怪.......)

其中有個幫我洗傷口的姑娘看到我的情況就話「呢個醫生都好好wor,冇幫你揭開隻甲都清到d膿...我地其實成日都會咁架,浸得水多嘛...」(醫生真的多謝你!!!! 可能其他醫生不理三七廿一就幫我揭開了指甲放膿了!! 你還一邊做一邊跟我聊天 看來我那時真的太緊張了)

不過姑娘說得真的很輕鬆,好像家常便飯般,連揭開隻甲都覺得冇咩大不了 (好啦, 我承認是我特別恐懼而已...)
而姑娘們次次都有提醒我「係咪蚊倒刺黎呀? 下次唔好喇!」

知道啦...以後都不敢亂拔倒刺了!!!!!!

PS. 話時話, 一直以來醫生護士都沒有告訴我這叫甲溝炎,都是後來自己發現的!
分享 15941 次閱讀 | 4 個healthyD評論
請按【讚好】!
讓更多網友天天分享到healthyD的健康快樂資訊。:D
全部(1)

我撐你

Facebook 評論


 

healthyD 評論

  • Sandra
    Sandra 2013-01-28 12:33
    May: 而家仲有冇蚊倒刺?
    冇啦...仲邊度敢蚊...不過佢生出來果陣特別鍾意"了"下佢就真....
  • Sandra
    Sandra 2013-01-28 12:32
    ChanelChan: 心有餘悸!!!!!
    真係事隔成年, 都仲係好深刻!!!
  • May
    May 2013-01-28 10:57
    而家仲有冇蚊倒刺?
  • ChanelChan
    ChanelChan 2013-01-28 10:48
    心有餘悸!!!!!

您需要先登入才能繼續本操作