step.footprint

step.footprint的BLOG

step.footprint的主頁 | 查看全部BLOG
自我介紹:
心理輔導員・註冊社工・精神健康 讓身體~心靈~家庭 + 點 健康~快樂~愛的種子* #心理輔導 | #家庭教育 | #選擇性緘默症 | #健康飲食 | #生命觸動 | 以文字感染生命 ・以教育栽培孩子 ・以輔導觸動心靈 |


【受抑鬱症困擾 先生和太太的內心小劇場】

2019-10-29 22:58


每對夫婦面對抑鬱症來襲時的情緒反應都不一樣,

但總會面對這高低起伏和互相影響的心理變化。

受抑鬱症困擾的太太分享自己的心路歷程(上面那行情緒咭):
「我開頭患上抑鬱症時,成個人都好焦慮,好低落,後來陷入咗好討厭自己做咗老公包袱既狀態,好自責。討厭自己討厭到要撞牆令自己清醒D!然後,我好感激遇到好既社工,醫生,同先生既支持令我過渡咗最黑暗最低谷既時期。而家,我覺得快樂。展望未來,我想重整生活,能夠平靜輕鬆咁生活,唔駛好似以前咁急咁趕,造成自己好多焦慮。抑鬱症令我重新去檢視自己過往既生活方式同做人既態度,無形中俾咗幾多壓力焦慮自己。」

先生都分享佢對於太太受抑鬱症困擾的心路歷程(下面那行情緒咭):

「我知道太太既情況我好擔心,好緊張,都有壓力。我好自責自己俾唔到開心太太。但中間我都仍然鼓勵自己要抱有信心,要相信情況會好轉,但同時都有好無助,都覺得好攰。而家見到太太好咗好多,有欣慰。」

先生對於太太自責的回應:

「我發現我地既情緒會互相影響。你覺得自己係我包袱,我從來都無咁諗過。反而係我自責,怪自己比唔到好既生活你,唔能夠令你開心。呢份自責都會令我好抑鬱,好唔知點面對你。但而家知道咗原來你既情況係同個病有關,同埋有好多其他因素夾夾埋埋先導致你有抑鬱症,我既自責都有減少,能夠同你一齊去面對。」

當感到自責時,不妨讓對方知道。有時,對方的回應會讓你發現原來事情不是你想像般。

下一篇文章會分享自責對關係的破壞力。

.

___

你們的讚好和分享有助散播健康快樂的種籽 : >

http://www.facebook.com/step.footprint

分享 46 次閱讀 | 0 個healthyD評論
請按【讚好】!
讓更多網友天天分享到healthyD的健康快樂資訊。:D

我撐你

  • 撐!
  • 您的頭像會顯示在這裡

Facebook 評論


 

healthyD 評論


您需要先登入才能繼續本操作