Cherriee

Cherriee的BLOG

Cherriee的主頁 | 查看全部BLOG
自我介紹:
Facebook專頁 www.facebook.com/Cherriee.cc U Blog http://blog.ulifestyle.com.hk/blogger/cherriee/


親愛的,如果你得番24小時生命

2016-05-16 12:30

上星期五,同班姊妹們打邊爐,Ladies talk永遠係最大膽好玩的,不過話題離唔開男人、Sex、減肥扮靚呢D。其中一個姊妹分享左個幾有趣既Topic,就係同老公之間既感動說話,我呢個典型既山羊座,浪漫同感動同我扯不上關係,屋企隻佬更加,我最期待既求婚過程(其實都唔太算係)都毫無浪漫,感動對話?哈!算吧啦,我地兩個日日互屌,唔講粗口唔舒服囉。(另類浪漫呀你地唔明架喇其實我好斯文)

姊妹A問老公,如果人生只係剩反24個鐘,你會?
佢老公話:最遺憾係無同你白頭到老。

姊妹B當晚又走去問老公,得到既答案係:我會拿拿臨買重個保險,咁樣實際d。

姊妹C都去問自己愛人,愛人回答:我會同你一齊訓覺訓左去。

我當然唔執輸喇,我又走去問
我:如果你人生只係得番24個鐘,你打算點呀?
達:我唔答假設性問題架wor,你咁問我咪等於果條「如果你同我媽一齊跌落水你會救邊個」一樣?我都唔識游水兩個都救唔到囉!
我:人地老公都識答「最遺憾係無同你白頭到老喇」,不知幾浪漫呀,起碼都會講句「拿拿臨買重個保險」之類,咁你諗唔到咩?死野!
跟著大家笑完,我第二日已經忘記左呢樣野。點知今日食食下早餐,老公突然答我:
達:其實都唔係無答案既,因為有好多樣野要組織一下。
我:(未訓醒)下?咩呀?
達:如果我得番24小時,我要諗下邊個可以「接收」你呀。
我:(心想:死公務員)哈!你要搵人Hand over呀?
達:係呀咁趕應該搵唔切囉,然後我會上山去間廟度。
我:(臨急抱佛腳哈哈)上山搞咩呢?
達:雖然我唔算佛門中人,但話曬讀過佛教學校嘛,我會同佛祖講,我同今世呢個老婆緣份未盡,希望下世可以繼續今世未盡既緣份,等我可以繼續照顧佢,但如果等到下世好似有D耐,我又可能未必有得做番人,我會求佛祖比我做隻大狗立即番去你身邊,繼續照顧你同保護你。
我:(已經忍唔住喊)頂你!公屋唔比養狗架,仲要變大狗點養番你呀!比貓星人蝦死你呀!
達:咁大狗先可以對付到壞人嘛⋯⋯
我:我唔鍾意養狗呀⋯⋯不如做鸚鵡喇,大大隻果種夠威武又可以飛
達:變蚊變小強都得,最緊要番黎你身邊保護你嘛,仲有呀,得番24個鐘唔夠時間買保險,呢d應該之前買定喇嘛,齋講完無得同你白頭到老無下文你無人照顧咪又係慘,拿我諗好曬先答你架!
我:(繼續喊)頂你咁鬼麻煩架死都唔放過我!都話公屋唔比養狗⋯⋯
達:咁我可以訓街⋯⋯⋯下刪100字

‪#‎我唔准你早死過我‬ 
‪#‎願可做你腳下那堆爛泥來守護你‬
‪#‎如果有下世比我做男人你做女人等我照顧番你‬
分享 851 次閱讀 | 0 個healthyD評論
請按【讚好】!
讓更多網友天天分享到healthyD的健康快樂資訊。:D

我撐你

  • 撐!
  • 您的頭像會顯示在這裡

Facebook 評論


 

healthyD 評論


您需要先登入才能繼續本操作