Cherriee

Cherriee的BLOG

Cherriee的主頁 | 查看全部BLOG
自我介紹:
Facebook專頁 www.facebook.com/Cherriee.cc U Blog http://blog.ulifestyle.com.hk/blogger/cherriee/


我和PT有個約會 魔王大人教練?!

2016-04-27 14:21
上次提到我膽粗粗走去網上預約私人健身教練,網上填好聯絡資料之後,過左3日,教練Chris就聯絡我喇。呢間私人健身中心係香港有兩間健身會所,我選擇左灣仔分店,比較近我屋企嘛。

健身中心係棟住宅大廈入面,私隱度好高。教練Chris要落樓下大堂帶我上去,佢首先帶我參觀健身中心。地方雖然唔算好大,但設備都好齊,光猛乾淨。我最討厭去健身室因為通常都有陣汗臭味=.= ,以前試過去細間既健身室係有藥酒味囉!環境乾淨對女仔黎講好重要架!

參觀完喇,我心諗Next Step實係傾Plan喇 (以前去P記C記的經驗,實係講到你唔運動會殘廢會死你個Body有幾差.....下刪一萬字)。教練Chris第一句居然唔係講你唔運動就會點點點你個身體有幾差之類既野,佢問我點解會對佢地既私人健身課程有興趣,平時做開邊種運動,飲食方面係點樣,目標係咩等等,好有耐性,最緊要既唔會好似之前既大型連鎖健身中心咁一黎就Sell你30幾萬10年約會籍。佢聽完我講之後,立即比左少少建議我。我跳Funky Dance同泰拳以經有一段時間,但體重、脂肪率同肌肉都無改變過,佢建議我集中練習負重訓練。飲食方面,建議我慢慢減少澱粉質,增加蛋白質份量。教練Chris話其實佢地唔會規定每個客人都要買幾多幾多堂,亦都唔會叫人Join幾多年會籍呢樣野,因為每個人需要同體質都唔一樣,想達到既目標都唔同。聽完佢既分析同埋意見,我覺得可以一試,靠自己運動已經一段時間體重都無明顯改變,不如試下搵佢地幫下手!

下次同大家講下第一次上堂係點喇!

題外話,我極度鍾意睇動漫,頭先傾計過程中,發現教練Chris原來以前做過「打工吧!魔王大人」呢套動漫入面既男主角「魔王大人」既「香港版聲優」,有機會同魔王大人會面,仲要傾左咁耐!真係我既榮幸呀!
分享 1333 次閱讀 | 0 個healthyD評論
請按【讚好】!
讓更多網友天天分享到healthyD的健康快樂資訊。:D

我撐你

  • 撐!
  • 您的頭像會顯示在這裡

Facebook 評論


 

healthyD 評論


您需要先登入才能繼續本操作