Cherriee

Cherriee的BLOG

Cherriee的主頁 | 查看全部BLOG
自我介紹:
Facebook專頁 www.facebook.com/Cherriee.cc U Blog http://blog.ulifestyle.com.hk/blogger/cherriee/


Cherry =^.^= HealthyD「營人體驗旅程」誓師大會

標籤瘦身  減重  極速瘦身  跳舞  2014-11-25 23:29

上星期四,正當我係公司忙完一大輪想食個TEA輕鬆一陣的時候,收到電話話我入左圍可以參加「營人體驗旅程」,哇!我開心到彈起呀!沒想過自己可以入圍!真係好感謝有呢個機會!

尋晚係「營人體驗旅程」誓師大會,我第一次上去Pretty Fond 。講真我係好擔心既,因為每次上美容院都有唔開心經歷....同大家分享一下其中一次最慘痛的經歷。果時我剛剛畢業出黎工作,有次收到電話,係某間出過人命事件的"Dx美容集團"打黎,話想找代言人,請我上去面試。上到去,職員幫我磅重,之後就問我想減幾多磅,當時我已經接近200磅,我話想減50磅,職員話無問題,療程3個月,共8萬蚊。我又點可能比到8萬蚊呢?根住我就想走啦,職員話問下經理先,根住換左另一個自稱經理的人走出黎,話明白我真係好想減肥,都好想幫到我,所以可以OFFER一個代言人計劃,係免費的,只要我3個月內減50磅的話。

我對美容院減肥方法沒什麼概念,覺得她們大大隻廣告"X美容"應該信得過啦,就答應了。"經理"話為左保障她們公司,代言人要比4萬蚊4千蚊訂金,成功減到後需要每個月番去磅重,只要當月無重番,就可以退番訂金,分12個月退番比我。我當時很有決心想減,就答應了.....於是借了銀行的貸款去比錢。

每次上去都係做機焗毯排汗,她們安排了中醫開藥給我,飲了藥會肚瀉,果個中醫只會話我濕毒....如是者2個月我減左20幾磅,距離目標還很遠,我很怕拿不回訂金,又走去JoinC記健身會籍跟教練,又洗左1萬蚊......希望多運動可以減得快D

到了最後2星期,磅數還差很遠,她們安排我食減肥藥。呢隻藥食完會心跳同便秘,個人好辛苦。折騰了3個月,結果我減了33磅,拿不回我的44千蚊.....之後的兩年,我每個月都要還一大筆錢比銀行,仲要比家人勁鬧,我唔開心到想自殺可能呢次經歷搞壞了身體,減了的33磅,1年都不用就肥番了。

所以,今次我會好小心。一上到去Pretty Fond,我就被這個房間吸引住!
無錯,就係呢間有落地大鏡透明玻璃的跳舞房!裡面還有一大班人係度跳舞,所有人都勁投入勁流汗!

職員好Nice好友善請我等等,因為誓師大會將在舞蹈課後開始,然後我就見到呢張野:
哇!療程居然包埋飯盒?!我無看錯吧!好正WOR!減肥最痛苦係無得食,仲要自己出去買菜煮飯!!!

「營人體驗旅程」誓師大會終於開始,負責人講解甚麼是INS極速瘦身,I=療程,N=營養,S=運動。原來整個計劃入面,有專業的營養師、舞蹈老師、專人設計飯盒,還有關心你的“管家”大人,照顧妳過程中的需要。另外,還有很多與妳有共同目標的減肥戰友,與妳共度艱難時刻!Pretty Fond給我的感覺很Warm,很舒服,還有令我最放心的,是其他客人面上的笑容,這是騙不到人的。今晚,我認識了其他參加者,大家都係女仔,我們就Friend起來了,減肥之旅不再孤單了!

一口氣講左好多野,接住落黎既一個月,我地5個將會一齊係呢個地方努力!係2015年迎接一個更美麗更有自信的自己!

大家記得要支持我地呀!

分享 3841 次閱讀 | 4 個healthyD評論
請按【讚好】!
讓更多網友天天分享到healthyD的健康快樂資訊。:D

Facebook 評論


 

healthyD 評論

  • Cherriee
    Cherriee 2014-11-27 16:35
    Yukiyuyu: 我都由220磅開始INS, 宜家減到185, 你一定得嫁!
    多謝你
  • Yukiyuyu
    Yukiyuyu 2014-11-27 11:53
    我都由220磅開始INS, 宜家減到185, 你一定得嫁!
  • 永
    2014-11-26 16:20
    預祝你減肥成功
  • May
    May 2014-11-26 10:21
    支持支持! 你都要支持自己, 唔好俾老公, 同事, 朋友對你太 "幸福" 呀~~~

您需要先登入才能繼續本操作