HealthyD X Pretty Fond「營人體驗旅程」Day 4@第一次TREATMENT.....有淚

2014-12-01 00:49
呢兩日都處理家事,即使感冒都無得早瞓,成2點先瞓。
今日一早就起身出去做第一次既TREATMENT,係通淋巴呀,我以為做1 PART 半小時,職員帶我入房先知道做2 PART。人生中第一次通,由於成日聽D人話通淋巴好痛....我真係有點擔心,又有點好奇。
入到去,通淋巴個姐姐問我想推邊,我本身以為無得揀架,我咪講手呀、肚呀囉。之後就請我瞓上床準備。先黎左手,見佢幫塗CREAM然後用隻湯匙通,一下一下挖.....我就感覺"啪啪啪"聲,其實唔係叫痛既,係有點酸軟咁。因為試過跌打既痛,呢啲真係小醫科,但都要忍受湯匙碰到皮膚既感覺。初時我太緊張,同埋專心忍痛,但要咁捱1小時都唔係辦法,所以我開始同個技師有對話。
然後我既CONSULTANT一臉好惡入咗黎,仲同技師講"呢班入圍者比賽係減肚既吋數,所以只可以做肚,唔可以做其他部位",然後就開始問我琴日同今日食咗咩。或者我本身個人已經胆細,唔較堅強,而且又在意別人對我既睇法。而且或者由於肚有好多的內臟,所以當由通手轉成通肚,感覺較大,我而要專心去忍痛。但CONSULT就不停要我諗食咗咩,對話中,根本chur緊我,無論忍痛定係回答問題,我都已經專心唔到,同時我感覺到對方唔信任我,我覺得好委屈下,我喊咗出黎。他媽的!!!
我再一次因為感到委屈而喊,我討厭咁樣呢。但委屈呢種感覺,偏偏就令我喊到停不下......
當consult走咗之後,我同技師講"真係唔好意思,令你俾人話,我唔知道只可以通肚。同埋,我唔係因為痛而喊"。然後技師都好好,又會因為我覺得痛就返力,輕手一點。
 
通完淋巴,就收恰心情等跳舞。當然就趁有時間,叮飯盒食咗先啦。原來唔止我一個人覺得飯盒好鹹架.....今日睇見個飯盒,d肉片超大超多,真係兩份肉嗎?但記得米記營養師話過,4-6片肉片=1份肉,所以眼前飯盒既肉,都有可能真係只係兩份肉。咁計落,或者係我平時食唔夠2份肉=.="
 
唔記得講,今日上磅,fat rate又升咗喇...........我由9月到11月減走既2% fat rate慢慢返緊黎,我好驚呀.....點會咁架....係因為我夜瞓????咩事....................琴日我仲因為跳左兩日舞,仲feel到自己大脾同patpat好攰好痛既感覺,覺得自己既肥肉應該少咗、結實咗,今日就見個fat rate又升咗...但講開先知道,原來Miya都同一情況,我哋兩個平時都食太少野,依家身體唔適應嗎?之後,我就好努力咁跳跳跳!!!!!!!!!!!!!!!
 
晚上,個飯盒係白魚蛋雞肉芋絲,食之前今次我有試一下味,超鹹!!!!所以我加水沖過,啲水變晒色,係咪意味著有好多調味呢?然後我再沖多次水先敢再放入口,即刻淡晒~~正~白魚蛋好好味呀~又係米記教,記得5粒白魚蛋係1份肉,飯盒另外仲配有雞肉,搭夠2份肉類~今日個飯盒無寫穀類架,難怪的,因為內裏只有兩件芋絲(一盒14件芋絲才算是1份穀)。我琴晚有煲雜菜湯,所以今日都再添飲左1碗。
我仲懷疑自己飲水唔夠,所以晚上已經飲多左枝1.5L既水,即刻去到便便,我要加油!!!!!!!!
分享 1342 次閱讀 | 2 個healthyD評論
請按【讚好】!
讓更多網友天天分享到healthyD的健康快樂資訊。:D

Facebook 評論


 

healthyD 評論

  • diavickyip
    diavickyip 2014-12-07 15:08
    白魚蛋真係好有魚蛋味架,但真係覺得鹹,唔通d汁既精華落晒我嗰盒
  • nepalbridal
    nepalbridal 2014-12-03 13:45
    我覺得個白魚蛋最正wo!我平時食開清淡野,我覺得唔鹹bor~

您需要先登入才能繼續本操作