siutommy

siutommy的BLOG

siutommy的主頁 | 查看全部BLOG
自我介紹:
人生最大的成就不是你賺了多少錢,而是可以用你的能力幫助多少人


【救命】史上最爛的老師,你今世遇過未?

2014-07-11 17:33
曾幾何時,我們一眾用家,經歷幼稚園、小學、中學、大學、形形色色的訓練班和興趣班,曾經作為學生的我們,人人都擁有十多年經驗,不禁要為我們下一代發聲,為這些「好到冇人有」的老師講一聲:「老師你唔係吓?咁都得。」

以下經歷,我不禁倒抽一口涼氣,也是我的心聲:

1. 自從資訊科技盛行,大家都被迫使用POWERPOINT簡報教學,唔緊要,但大佬呀,你唔好照讀得唔得?仲要熄埋燈﹗?你照讀我返歸自己睇都得啦 ~ 唔訓有鬼咩 ~

2. 又係你叫我地有乜唔明就問,但係問你:「點解咁樣時?」你既答案竟然係:「呢樣野冇得解喎,係咁就係咁。」老細呀,我地唔介意你唔識,但好介意你唔識扮識囉。

3. 如果課堂係三小時,老師要放大家五分鐘小休去洗手間是合理的,但前前後後小休時間或教完所謂課堂內容剩下時間超過半小時就明顯搵笨,你不如收我五個鐘錢,講明三小時休息好了,唔好再放羊啦! 好唔好?

4. 如果有重大事故,多等一會才開始課堂可以接受,但正常日子,為何每次開始都要等十五分鐘?為何要準時的學生承受別人的過失呢?我唔係比錢同你一齊等人囉。

5. 每個人都有自己情緒,但我地黎上課,唔係睇你喊,比你罵。我地係消費者,唔該你專業D。



6. 老師,若你被投訴,不論是對是錯,也應自我討檢,而唔係似住自己的鐡飯碗、權力和勢力,用我們的分數來壓榨和打擊我們。

7. 班上大小事務,老師有權監管。又係你叫我地自己點名,事後又話我地幫同學點名。咁請老師你自己認下學生,親自點名啦 ~

8. 每個老師都會推廣自己的課程,這明白的。不論收費或免費,我們不是來看老師你九成時間都係SELL野囉 ~ 你派左傳單,加幾句,我地會自己睇囉。唔該。

9. 呀XX教授,我知你好勁,但係你既語調可唔可以唔好咁平呢?我真係好難訓唔到喎。

10. XX導師,其實任何人都鍾意睇靚野,你個樣就算啦,我地會包容,但可唔可以修下D鼻毛,搞搞D頭皮,留意下D口水,用用止汗劑呀 ~ 我地想注心上你的課。

天王劉德華的一句:「今時今日咁嘅服務態度係唔得㗎!

如果你不幸遇上這些老師,我真心希望你可以把這篇文章傳給他們,讓他們好好反省一下,為我們日後的師弟師妹福祉出一點力。

如果你是老師,衷心希望你能夠看看我們學生的心聲,為我們的課堂加添色彩,提高教學品質,使我們更能掌握你的識見。

以上所遇的是我的親身經歷,如有雷同,實屬不幸。

-------------------------------------------------------------------------------------------------
作者:一龍老師
信念:人生最大的成就不是賺多少錢,而是在我們生命中幫了多少人。
目標:改變100萬人的生活,讓大家動起來。

只要記得盡力不勉強,任何運動也可參與。看看以下影片,一班老友記練習也可以好有系統,好有樂趣。

(轉載老友記十公里的影片)
分享 30943 次閱讀 | 21 個healthyD評論
請按【讚好】!
讓更多網友天天分享到healthyD的健康快樂資訊。:D
全部(1)

我撐你

Facebook 評論


 

healthyD 評論


您需要先登入才能繼續本操作