捐比受更有福

標籤捐血救人  2011-03-10 01:07
開心買鞋,唔開心又買鞋,我無咁癲,唔開心我會去捐血。真o架,當你覺得自己好無助,無方向,唔知想點,無人聽你講野,無人關心你......... 查實你可以掉番轉頭,為呢個世界貢獻番少少,對我o黎講我會覺得自己即刻有用番D,心情會好番DD,咁樣講好似有D私心,同埋我係屬於極度自私血型,唔係太多人需要我..... 但捐o黎比紅十字會做research,都總有少少作為o既!

第一次捐血仲好記得係在灣仔的捐血車上.... 因為畢業變左失業,搵極工又無份見得成,唯有幫人補習啦.... 某日補完習閒著無事做,見到有架捐血車,未試過捐血(因為以前同學仔話捐血會令人肥,所以果次之前一直都未捐過血),就膽粗粗咁走o左上架車,奉獻o左我人生裡面第一滴血,第一次知道自己係咩血型(呢樣o野當時對我o黎講可能更加重要.... 因為我八卦..... 哈......

然後,斷斷續續做o左個irregular donor,皆因捐血前食藥不宜... 高危國家旅行不宜.... 厚衫不宜(捲唔起隻袖)........ 仲有千千萬萬個不宜.... 捐得血,代表果排身體有番咁上下fit,同埋呢..... 老老實實每次需時都幾耐,我前幾日去就因為太多人,用o左成個幾鐘喇~~~ 所以呢~ 捐血呢個活動對我o黎講真係唔係4個月就可以做一次o既..... 姑娘check我record果陣,我見到自己原來上一次捐血已經係08年底啦~~~ 真係失禮.... 不過遲捐總好過唔捐啦~ rite?

下次捐血時間係7月5號,又睇o下點.... :P

分享 1069 次閱讀 | 0 個healthyD評論
請按【讚好】!
讓更多網友天天分享到healthyD的健康快樂資訊。:D

我撐你

  • 撐!
  • 您的頭像會顯示在這裡

Facebook 評論


 

healthyD 評論


您需要先登入才能繼續本操作