藍冰

藍冰的BLOG

藍冰的主頁 | 查看全部BLOG
自我介紹:
又愛吃 又愛美


《生命中的美好缺憾》觀後感

2014-07-31 09:46
首先要多謝Fit D 營送飛!!

雖然99先開場有D, 但地點都算係近屋企
所以都OK .....雖然家陣返工有D眼訓

 

本身諗住食完dinner周圍行下先去睇戲, 點知經過戲院已經有人排隊!!
OMG....9點左右咋wow....原來有咁多人睇架~ 我會唔會要坐第一行架?!
咁人排我又排啦.........

觀後感: (含少少劇透)
個人覺得入面D情節好合理合理, 無論係企係病人既角度定係家人既立場
對於將死既人(女主角), 對人生冇晒希望就一定, 佢只係盡量滿足父母既要求而去做每一件事
食藥....去治療小組等等, 相信(女主角)一直覺得活著係比死痛苦, 因為佢唔想帶比太多人負擔 (當然係未遇到男主角之前啦)
而父母.....雖然覺得照顧有病既仔女並非易事, 曾經都有想放棄既時候
但仔女始終係自己骨肉, 最愛佢地既一定係父母....睇完....再一次覺得父母既愛係好偉大

 

兩個都同患頑疾既人....相愛既路上真係一D都唔容易
所以女主角一開頭係拒絕男主角既,
但男主角實在做左好多好多令女主角好感動既事.....我都比佢感動到
所以女主角最後都決定同佢展開一段令人睇到都心酸既愛情
同樣帶出左....互相扶持既理念
結局係點...唔難估
同時令我明白到.....活在當下係最最最重要!!

 

有幾幕都令我好深刻:

- 女主角初初講個段野--內容大致上係唔想被人遺忘係一件好難既事, 或者係根本無可能既事....
....人死左, 係會被慢慢遺忘.....但你一定會曾經係某D人入面最重要既人, /佢地係唔會忘記你, 能夠做到咁已經足夠啦

- 另一幕係講生命唔係做戲, 佢唔會樣樣都咁順利
就好似戲入面咁, 比左1個個希望比女主角, 同時又會打擊佢既希望.....睇到呢度心都酸, 亦都知道呢個係事實...冇可能每件事都能夠順順利利, 但都帶出左....盡力去做就得   你盡力做左未? 如果未, 你就唔應該放棄...如果盡左力, 你都會無憾了..... 如果遇到挫折, 都要問自己一句....盡左力未!

- 最後係男主角個fd去報復佢前女友個幕
!!!

 

整體覺得套戲係好睇既, 但都唔短, 2個小時
而佢D節奏係慢既...因為佢要慢慢溶化你XD
同埋個男主角係開頭你唔會覺得佢靚仔, 但愈睇愈cute個款
加上佢戲入面樂觀又好笑, 會覺得愈來愈佢順眼
佢同女主角之前做過《分歧者·異類叛逃》, 我都有睇, 但當時佢地係做兄妹~ 同埋男主角冇咩戲份
佢地做情侶都幾合襯 
喜歡愛情小品/想重拾信心既人都岩睇


分享 2615 次閱讀 | 2 個healthyD評論
請按【讚好】!
讓更多網友天天分享到healthyD的健康快樂資訊。:D

Facebook 評論


 

healthyD 評論

  • deechu
    deechu 2014-07-31 15:17
    再一次覺得父母既愛係好偉大 -> 我都好認同!
    第一個喊位就係當個阿媽咩都肯為個女做果陣。。。
  • vickyvickyvicky
    vickyvickyvicky 2014-07-31 14:11
    我都有睇呀!感動

您需要先登入才能繼續本操作