GranMug

GranMug的BLOG

GranMug的主頁 | 查看全部BLOG
自我介紹:
畢業於香港中文大學食物及營養學碩士課程。想吃得開心之餘又食得精明健康~愛生活,更愛美,快樂便是如此。


食出健康皮膚

標籤肌膚  皮膚  水果  維他命C  抗氧化  2012-06-19 12:58
一講到皮膚,女生總會吱吱喳喳講唔停,包括:邊隻牌子護膚品最好用、邊度做Facial最好...為了擁有靚靚皮膚,好多女生都不會吝惜(看那些護膚品牌大行其道便知我們女生的消費力有多強!!)。但其實有否想過從食物著手呢?"We are what we eat!!"想皮膚靚靚不防試試內外夾攻!

熱帶水果
多食番石榴、菠蘿、木瓜、奇異果等熱帶水果,因熱帶水果所含的維他命C可以幫助肌膚抵禦自由基的破壞。而維他命C是一種抗氧化劑,天然存在於皮膚,所以多食熱帶水果和其他含維他命C豐富的食物,可以補充皮膚的維他命C(當然,不要想像100%的維他命C都走到皮膚裡,維他命C係身體仲有好多其他功用)。 維他命C亦有助於身體產生膠原蛋白(膠原蛋白有助保持肌膚緊緻和彈性的!)。


西蘭花
又是抗氧化十分高的蔬菜,西蘭花含有維他命C和E,而維他命E可保護皮膚細胞的細胞膜和防紫外線輻射損傷。

杏仁
含豐富的維他命E,杏仁當零食,或加入沙律、麥片、Yogurt等一齊食,都好好味。但係要留意不要食得太多,因為杏仁和其他堅果熱量都好高!

南瓜子
另一種對皮膚十分好的食物,因為南瓜子含豐富的礦物質鋅。鋅能保護細胞膜,有助於保持膠原蛋白,並促進皮膚更新。


含有ω-3脂肪的深海魚:三文魚、鯖魚、沙丁魚和鳳尾魚等,助於強化皮膚細胞的細胞膜,防止陽光的傷害。Omega-3可以讓水分和營養儲存係皮膚,同時幫助皮膚排出毒素及有消炎作用(長豆豆時可多食都有幫助呢!)。


不用GM多講都知多飲水對皮膚有幾重要!因為水能清除毒素,提供營養到細胞,並保持身體機能的運作。水亦有助於保持細胞飽滿,使皮膚看起來更加堅定和清晰。嘗試每天一起身飲一大杯冰水(由其是喜歡開冷氣瞓覺的您),一定會有不同的感覺呢!

抗氧化營養補充品
一些含高原花青素的營養補充品(原花青素的抗氧化是維他命C的50倍呢!),能保護皮膚細胞免受自由基攻擊,減慢細胞衰老。

雖然遺傳對健康的皮膚有好大影響,但又有幾多人天生擁有如剝殼雞蛋的皮膚?不要灰心,每人都可以有又健康又靚靚的皮膚,記住留意生活和飲食習慣!


分享 4379 次閱讀 | 0 個healthyD評論
請按【讚好】!
讓更多網友天天分享到healthyD的健康快樂資訊。:D
全部(1)

我撐你

Facebook 評論


 

healthyD 評論


您需要先登入才能繼續本操作