May

May的BLOG

May的主頁 | 查看全部BLOG
自我介紹:
曾過著無日無夜的OT生涯,小友送來「工作雖緊要,健康最重要」小擺設給我一記當頭棒喝,希望大家都能抓緊手中的玻璃球。


有愛心飲品的Morning, 先至係Good Morning!

標籤菊花  橙汁  花旗參  豆漿  北芪黨參水  桑寄生茶  杞子浸普洱  龍眼水  2014-05-23 18:12
認識我的人都知我近日步入了人生新階段, 離開了30多年的娘家, 未正式跟另一半進佔蝸居之前, 而家暫時寄居在老爺奶奶屋企. 好多人話他們的奶奶難相處, 好幸運我無這個問題, 因為老爺奶奶都係少說話, 多笑容的人. 加上他們年事已高, 所以都非常注重健康, 連帶我這個半邊女晚晚都有湯水, 日日又有好嘢飲!

(內有曬命成份, 慎入! )


其實我所講的「好嘢飲」不是甚麼名貴飲品, 但論新鮮度和無添加度, 就幾貴都比唔上. 奶奶每朝早都會整定兩杯嘢飲, 而combination則隨意, 但一般都係由以下呢4款飲品之中, 揀兩款出來, 杯杯都好有「營」!


(左上) 菊花: 小時候媽媽最常煲菊花給一家人喝, 我想主要是因為那時年紀小, 常吃熱氣薯片蝦片栗米片, 用溫和的菊花來清熱解毒就最適合不過了. 想知哪個菊花品種具最佳療效, 請按這裡.

(右上) 鮮榨橙汁: 橙有豐富維他命C和纖維, 是常識吧? 那為甚麼不乾脆吃橙呢? 就源於一個懶字囉! 將鮮橙榨成汁, 把果肉用喝的方式全數吞落肚, 懶人最愛!

(左下) 花旗參: 味道甘香, 我自少已經很喜歡喝, 但自從唔需要再考公開試之後, 媽媽就很少再給我弄花旗參了. 又由於那些年經常在考試期間服用, 所以我一直認定花旗參有提神醒腦的作用, 果然被我猜中!

(右下) 自家製無糖黑白豆漿: 只用黃豆可能會寒涼一點, 對經常經痛的人來說可能反而不利; 但加了黑豆, 就有補腎強身、活血利水、解毒、潤膚功效, 仲可以令頭髮變烏黑 (我的白頭髮問題十分嚴重 )! 至於無糖會否很難喝? 這個就見仁見智啦, 人到中年, 我已經很習慣少糖甚至無糖飲料, 所以對我來說一點都沒有問題呢!

PS. 大家千祈唔好以為我以前在娘家「無啖好飲」呀! 以前媽媽都會定時定候煲補氣補血的北芪黨參水俾小女子改善經痛問題, 有時又會煲桑寄生茶啦、菊花啦、杞子浸普洱等, 補補肝又補補眼.

同場加飲: 奶奶每晚仲會浸龍眼水俾常常失眠的夫君飲 (這個我就無份啦, 皆因我的睡眠質素100%良好 ). 龍眼即是桂圓, 有安神清熱的作用, 但即使沒有失眠問題, 我也愛喝用龍眼乾煲的湯, 清清地, 龍眼肉也夠爽甜, 不用太多調味已經非常好喝了, 大愛~
分享 4015 次閱讀 | 7 個healthyD評論
請按【讚好】!
讓更多網友天天分享到healthyD的健康快樂資訊。:D

Facebook 評論


 

healthyD 評論

  • May
    May 2014-05-31 23:30
    註冊香薰治療師Elaine: 恨C隔離啦...養肥你.生番半打先.嘩哈哈
  • 註冊香薰治療師Elaine
    恨C隔離啦...養肥你.生番半打先.嘩哈哈
  • May
    May 2014-05-27 17:46
    依依: 哇好滋潤呀~~~我E家密謀買部攪拌機返屋企自己整豆漿XD
    整啦整啦,好過你飲農藥水~
  • 依依
    依依 2014-05-27 15:44
    哇好滋潤呀~~~
    我E家密謀買部攪拌機返屋企自己整豆漿XD
  • May
    May 2014-05-27 11:38
    yiuwahdom: 無糖黑白豆漿~  可唔可以 SHARE 做法?
    正有此意! 等我呀!!
  • yiuwahdom
    yiuwahdom 2014-05-26 17:55
    無糖黑白豆漿~  可唔可以 SHARE 做法?
  • KioYiu
    KioYiu 2014-05-26 17:43
    SO SWEET~  羨慕死人!

您需要先登入才能繼續本操作