May

May的BLOG

May的主頁 | 查看全部BLOG
自我介紹:
曾過著無日無夜的OT生涯,小友送來「工作雖緊要,健康最重要」小擺設給我一記當頭棒喝,希望大家都能抓緊手中的玻璃球。


「我唔得」

標籤自信心  自我  自知之明  有性格  執著  放開懷抱  2012-02-06 18:54
呢句說話,我清楚記得,我中一的時候講過。那時被挑選入Dance Club,我出於謙虛 & 怕醜,同先生講:我唔得㗎。

立時得到的回應:你唔試過點知你唔得?

我沒有成為出色的舞者,但我擁有過愉快而精彩,至今仍非常回味的三年。我經常引以為戒,也常用黃霑先生的一句「盡做,但放開」來警惕自己。但好可惜,近年成日聽到好多後生仔女,事情未開始、試都未試就同我講唔得。是自信心太低?自我太大?抑或太有自知之明?怕失敗?我攪不清楚....

人生在世,正所謂人一世物一世,乜都試吓嘛,唔試過你又點知自己唔得 / 唔鍾意?點解咁快就要閂自己後門?世界俾緊機會你,點解咁快就要判自己死刑?

係有性格?係執著?係好事定壞事?我諗唔通。

呢首歌同我以上所想的其實無乜直接關係,不過一直很喜歡罷了。最關事的,係最尾一句歌詞,請細心留意。





放開懷抱!

分享 2370 次閱讀 | 17 個healthyD評論
請按【讚好】!
讓更多網友天天分享到healthyD的健康快樂資訊。:D

Facebook 評論


 

healthyD 評論

  • May
    May 2012-02-16 17:08
    小藍宇: 明天見
  • 小藍宇
    小藍宇 2012-02-16 15:45
    明天見
  • May
    May 2012-02-14 10:53
    小藍宇: 好呀,lunch?? 星期五
    yeah~~~
  • 小藍宇
    小藍宇 2012-02-14 09:06
    好呀,lunch?? 星期五
  • 小藍宇
    小藍宇 2012-02-14 09:03
    我係呢度發咗留言問你,唔知點解看唔到既,星期五或六ok嗎...
  • May
    May 2012-02-13 12:23
    小藍宇: 其實時間都係大家好好分配便可了,總會找到時間的....
    咁你幾時分配時間同我食飯先?
  • 小藍宇
    小藍宇 2012-02-13 12:03
    其實時間都係大家好好分配便可了,總會找到時間的....
  • May
    May 2012-02-12 16:20
    小藍宇: 直升机父母+怪獸家長=笨小孩,笨小孩的常用語,我唔得架,或者,我唔得架,我無學過,又無人教我...>< 咩野父母,咩細路....治療師昨天說她的姪女,她的姪女五歲,
    要教,唔止係俾學校教,仲要言教身教,但都市人有時間嗎.........??!
  • 小藍宇
    小藍宇 2012-02-11 23:01
    直升机父母+怪獸家長=笨小孩,笨小孩的常用語,我唔得架,或者,我唔得架,我無學過,又無人教我...>< 咩野父母,咩細路....治療師昨天說她的姪女,她的姪女五歲,有天姪女收到了一盒糖,治療師對她的姪女說,分啲我食得唔得,姪女竟話:我有權俾你,亦都有權唔俾你,治療師再逗她拆盒糖,佢話,我都係決定返屋企先拆??(意思話,返屋企唔駛分糖呢...><) 我聽完呢個故事,仲點敢叫我生細路呀...><
  • 註冊香薰治療師Elaine
    May: 我都係咁諗!唔知點解,我成日覺得好多嘢係社會造成的,壓力 + 經濟 + 一孩,個個都當D細路係金叵羅,保護得十分過態,真心討厭見到下一代D人咁樣!
    係辦法啦.好多都得一個"金叵羅".怪獸家長既價值觀都錯.何況金叵羅呢..唉
  • May
    May 2012-02-09 19:51
    sasa: 咪係囉, 上次同你玩XBOX, 你跳得好好呀~~ 未試過真係唔知!
    我唔引退我驚郭富城無位上呀~~~
  • May
    May 2012-02-09 19:49
    註冊香薰治療師Elaine: 係喎護!.家下既90後,都未經過個腦,個口就快個個腦.."吾得"!!吾可能.吾想做.....時間真係好快就過去.好多野都追吾番...最黃金時間溜走左.就真係十分可
    我都係咁諗!唔知點解,我成日覺得好多嘢係社會造成的,壓力 + 經濟 + 一孩,個個都當D細路係金叵羅,保護得十分過態,真心討厭見到下一代D人咁樣!
  • sasa
    sasa 2012-02-09 10:13
    咪係囉, 上次同你玩XBOX, 你跳得好好呀~~ 未試過真係唔知!
  • 註冊香薰治療師Elaine
    係喎護!.家下既90後,都未經過個腦,個口就快個個腦.."吾得"!!吾可能.吾想做.....時間真係好快就過去.好多野都追吾番...最黃金時間溜走左.就真係十分可惜,十分遺憾!

    就算失敗.都可以從中學習,更了解自己.都總算試過,做過啦!起碼人生無遺憾 加油呵
  • ChanelChan
    ChanelChan 2012-02-07 10:46
    我都有好多野想試,但真係會開一個頭就會沉迷落去玩唔停。時間過得好快, 當我每次望住一堆買左很耐但仲未看的書的時候,就會覺得自己好無能。但知道一個晚上我只能繡一塊花瓣,我就唯有話比自己知,好多野都係要慢慢累積,時間係得咁多。
  • May
    May 2012-02-07 01:03
    happyboy15: "近年成日聽到好多後生仔女"...... 其實你都未算好老啫,仲幾fit呢
    三年一代嘛.... 你哋對我嚟講只係受保護動物.... 但我對大我三、五、七年嘅人嚟講又何嘗唔係樣樣都睇唔順眼?
  • happyboy15
    happyboy15 2012-02-06 23:43
    "近年成日聽到好多後生仔女"...... 其實你都未算好老啫,仲幾fit呢

您需要先登入才能繼續本操作