May

May的BLOG

May的主頁 | 查看全部BLOG
自我介紹:
曾過著無日無夜的OT生涯,小友送來「工作雖緊要,健康最重要」小擺設給我一記當頭棒喝,希望大家都能抓緊手中的玻璃球。


連生貴子?!

標籤港孩  2011-02-09 10:26
是日,人日,祝人人生日快樂!

新年總少不了一連串的問候,但有一句,我諗我以後會好小心講。

而家先嚟講番舊年嘅事好似有D遲,但呢個係我2010 / 虎年嘅深切體會。要總結一句的話,我只想講一句「唔識教就唔好生啦」。

實情係唔關我事的,只係身邊人 / 美劇Desperate Housewives的家事。問題都環繞著不孝子 / 兄弟不和 / 甚至乎連環殺手(電視劇係誇張少少o架啦!!

係當事人唔識諗?可能。責任全落喺佢地身上?未必。

我睇到嘅,係上一代嘅縱容、偏心、溺愛、疏忽照顧... ... 在blame果D已經長大成人嘅「孩子」之前,似乎更應該blame佢哋嘅父母,「教」出一頭頭怪胎。


Desperate Housewives裡面的Eddie,長期在酗酒媽媽的打、罵、咀咒下成長,長大後成了serial killer,最後殺埋阿媽!

問題亦落在而家嘅呢一代。港孩其實未必係今時今日先忽然彈起嘅族群,在80年代成長的一代,物質開始富庶,港孩1.0曝光。由港孩教養港孩,後果堪虞。

早幾年某銀行廣告渲染生教養一個細路要港幣4百萬。錢,當然要駛,但時間、關懷、身教、家教,遠比$$$更重要。由呱呱墜地的小粉團到法定年齡需要18年時間,你commit到嗎?呢18年嘅投資,唔係賺蝕嘅問題,對個人、親人、朋友、社會都有長遠嘅影響,你承受得起嗎?

我諗,以後當我祝某人「連生貴子」嘅時候,我應該係暗地裡盤算過對方係一個思想成熟的人,而唔係港孩1.0。如果唔係,死都唔講,雖則只係一句客套說話。

但你自覺思想行為熟到透,又點計?邊個來評理?我其實係最無資格評理果個。但我睇唔過眼,不吐不快。

想要兔囝兔囡前,敬請三思。否則,要有一兔!
分享 5789 次閱讀 | 0 個healthyD評論
請按【讚好】!
讓更多網友天天分享到healthyD的健康快樂資訊。:D

我撐你

  • 撐!
  • 您的頭像會顯示在這裡

Facebook 評論


 

healthyD 評論


您需要先登入才能繼續本操作