瑜伽導師Patsy

瑜伽導師Patsy的BLOG

瑜伽導師Patsy的主頁 | 查看全部BLOG
自我介紹:
三歲開始跳芭蕾舞,一跳便15年。在三藩市居住了8年,在大學主修繪畫,兼職舞蹈教師。回港後發展壁畫事業,期間被扶輪會選中代表香港到澳洲作專業交流,第一次接觸到現在的專業——瑜伽。這兩年兩年抱了兩,現在為一囝兩囡的幸福靚媽媽,任敎產前產後、高溫、治療、陰性瑜伽。


我的大肚婆學生

標籤孕婦  瑜伽  懷孕  產前  産後  減肥  孕婦瑜伽  2015-02-08 03:20
我的大肚婆學生嘉莉係我教咁多孕婦中比較深刻印象的一個!第一次見佢才懷孕4個多月,深深的黑眼圈、身型肥腫、沒精打彩、好多憂慮⋯⋯ 我心想,呢個學生要比好多心機湊佢!
嘉莉第一次當媽媽,年紀比較大一點,可以想像自己及身邊人一定非常緊張,要承受的壓力也比一般年輕媽媽大。第一堂我問她是不是睡得不好?為什麼不太精神?佢話因為有咗要晚晚側睡,睡不著覺。我問,呢個側睡的理念從何而來?佢答,人哋話⋯⋯ 網上話⋯⋯ 老人家話⋯⋯ 我説,其實只要瞓到、瞓得舒適,側不側睡不是問題。孕婦通常到懷孕第三階段會傾向側睡是因為BB開始重,壓住媽媽內臟令呼吸困難,或者不舒服,側臥可減低負重,比較容易入睡。嘉莉如釋重負,雙眼發光,鬆一口氣說,今晚有覺好瞓!
懷孕嘅壓力同擔憂每個媽媽也不一樣,亦只有媽媽自己最了解。尤其係中國人媽媽,又多禁忌、家中老人家呢樣不准、那樣不好。網上討論你一言我一語,真的假的都係選擇信咗先,一於跟。聽得越多驚得越多,最後都係疊埋心水聽教聽話,捱過呢9個月!
當媽媽應該係人生中最值得驕傲同享受嘅時間。你的身體入面有著另一個生命成長,那種血脈相連的感動,做男人的恨不到,幾威!所以孕婦更應該享受呢9個奇妙、自豪、快樂的月份,正面樂觀的態度對媽媽同BB身心都有好處。我本人就是那種積極的媽媽,我選擇理性一點去面對懷孕,找營養師告訴我食咩,散步、游水、瑜伽、Pilates從來沒有停止過。我選擇相信專業人士的意見,總好過相信人哋話⋯⋯
我將呢個Blog留住今日出係因為今日係嘉莉生產嘅日子!嘉莉已經不停問我仲未寫嘅?佢好想我代佢同大家分享一下佢的快樂孕記,鼓勵一下其他孕婦做瑜伽⋯⋯ 結果我同佢上瑜伽課到生產前一星期,從佢身上我得到了教孕婦瑜伽最大的回報,就係見証住佢BB成長,同時媽媽變得越來越快樂自信,越來越健康美麗。嘉莉也因此而愛上瑜伽,每次上堂都會説做到,可以試下!由一星期一課,到最後嚷著要一星期兩課,唔上堂唔舒服,更約好了坐完月要回來產後瑜伽。嘉莉一定會係一個很好的媽媽,我也很自豪有她這個孕媽媽學生。
我喜愛當瑜伽導師係因為可以幫助到學生身心得到快樂和健康。我喜歡當孕婦瑜伽導師就是多了一份事命感,要給BB和媽媽最快樂和健康的孕期。祝福所有天下偉大的母親永遠健康美麗有力量⋯⋯

分享 5149 次閱讀 | 6 個healthyD評論
請按【讚好】!
讓更多網友天天分享到healthyD的健康快樂資訊。:D
全部(1)

我撐你

Facebook 評論


 

healthyD 評論

  • YAMAHA
    YAMAHA 2016-07-06 17:37
    其實做了孕婦瑜伽,對順產是否幫助很大? 因為第一胎是剖產,現在第二胎好想順產~ 一般懷孕多久可以開始做孕婦瑜伽?
  • May
    May 2015-02-10 10:04
    瑜伽導師Patsy: 這也是我作為瑜伽導師的一點責任吧!
  • 瑜伽導師Patsy
    瑜伽導師Patsy 2015-02-09 23:16
    May: 雖然我唔認識嘉莉,不過都希望借你個blog恭喜新手媽媽!!希望更多人認識懷孕期需要,打破迷信禁忌!
    這也是我作為瑜伽導師的一點責任吧!
  • 瑜伽導師Patsy
    瑜伽導師Patsy 2015-02-09 23:13
    KioYiu: 恭喜嘉莉!
    我代嘉莉多謝你!
  • May
    May 2015-02-09 17:21
    雖然我唔認識嘉莉,不過都希望借你個blog恭喜新手媽媽!!
    希望更多人認識懷孕期需要,打破迷信禁忌!
  • KioYiu
    KioYiu 2015-02-09 15:08
    恭喜嘉莉!

您需要先登入才能繼續本操作