高級私人教練Jerry Liu

高級私人教練Jerry Liu的BLOG

高級私人教練Jerry Liu的主頁 | 查看全部BLOG
自我介紹:
一位私人健身教練、"高級私人教練 Jerry Liu"的版主、亦有為一些網站的運動專欄撰文分享心得和經驗,歡迎大家一齊交流分享運動心得


BLOG分類

女士健身誤解

標籤女士健身  2015-11-05 12:09

螢幕截圖 2015-11-05 11

(網絡圖片)

健身的誤解

我地成日都話好睇嘅身形就係最好嘅外衣、健身運動就係天然嘅美容術。

越來越多女性明白到健身對好體形線條嘅塑造重要性,開始加入健身、運動行列。

 

但有部份女性對重訓仍存在著一啲誤解,據我眼見大部份女性對於減肥著重減重而唔係減脂,女士對”瘦”嘅追求在於數字上而唔係實質體態上嘅轉變,有啲為咗係最短時間內減到最多的體重就不惜嘗試節食、脫水等極端方法,每日上磅同數字玩遊戲,”日子有功”結果體真係輕咗,但身體鬆軟依舊,而且一旦當你恢復正常飲食時好快就會打回原形,難度你打算節食到終老??

 

我會建議女性減重不要在意於數字上而是身形同體脂上,過度節食時可能會令蛋白質攝入不足,繼而丟失大量肌肉,少了肌肉但在外面的脂肪仍未消去,所以你有時會見到身形非常瘦削嘅女性身材仍係鬆軟嘅,而且睇落去成日精神疲乏咁。

 

所以減肥嘅同時配合健身塑造肌肉線條,唔需要一味只追求減磅同害怕肌肉嘅存在,好多女生都唔敢進行力量訓練都因為怕肌肉、望落去成個金剛芭比咁,其實又唔駛怕嘅,鍛煉肌肉可以提高代謝率,幫你消耗更多熱量,但係唔一定會造成肌肉增生,其次肌肉生長需要雄激素,女性嘅雄激素水準大約只係男性嘅二十分之一,因此女性較難增生肌肉。當然空穴來風未必無因,係健身時肌肉受到刺激,肌肉會充血造成一個暫時性肌肉肥大嘅假象,但呢種假象幾個鐘頭就會慢慢消退,堅持運動鍛煉肌肉,反而會幫你燃燒脂肪、讓你線條更好看。

 

肌肉是減脂塑形嘅好幫手,所以女士們唔駛怕,快啲行動啦!!

 **想知更多體適能資訊可到我的Facebook Page "高級私人教練 Jerry Liu",多謝支持!!

分享 1889 次閱讀 | 2 個healthyD評論
請按【讚好】!
讓更多網友天天分享到healthyD的健康快樂資訊。:D

Facebook 評論


 

healthyD 評論


您需要先登入才能繼續本操作