AnnieLee

AnnieLee的BLOG

AnnieLee的主頁 | 查看全部BLOG
自我介紹:
超過十年營養師經驗,曾於醫學美容中心任職營養師主管多年,現為私人執業營養師。主要負責體重管理,改善膽固醇/血糖/血壓等問題。為多個健康專欄分享營養資訊,以及舉辦健康講座。 Facebook專頁: https://www.facebook.com/AnnieLeeDiet Email: annieleehy@gmail.com


長者烹飪班之 [三文魚炒飯 – 炒飯先定炒蛋先?]

標籤長者營養  烹飪班  三文魚炒飯  三文魚營養  營養師  Nutritionist  AnnieLee  2017-11-25 13:36
長者烹飪班之 [三文魚炒飯 – 炒飯先定炒蛋先?]

早前獲一個非牟利機構的邀請, 於下星期一連幾次到社區中心教授一班長者烹調和營養.

當初收到邀請時, 只覺得有意義, 一味好好好答應. 收線後, 開始有點猶豫: 教長者煮餸?! 咪班門弄斧啦! 他們分分鐘煮飯仲多過我刷牙, 駛我 “教”? 我媽甚至問 “駛唔駛帶埋工人姐姐去?”

咩啫….. 心意呢啲, 各展所長嘛. 我主要同長者分享他們的年齡需要特別留意什麼營養, 因應不同的健康狀況, 每餐比例應該如何分配等. 

好多人以為長者剩係要補鈣, 飲多杯奶就得. 但其實隨著年紀增長, 很多營養會慢慢流失, 例如奧米加三脂肪酸. 而如果他們對奶或其他食物敏感, 又有什麼其他食物可以補充等.

又, 年紀大, 咀嚼消化力減低, 加上食少少就飽, 會偏向進食簡單食物如粥, 麵包等; 但唔食菜又會便秘, 唔夠蛋白質又會加速肌肉流失…. 所以食物平衡比例最重要.

於是下星期第一堂, 打算介紹一道三文魚炒飯. 一方面三文魚含豐富奧米加三脂肪酸, 而且加蛋和洋蔥, 粟米粒會增加蛋白質和纖維. 而且長者常常煮一次飯分幾次食, 雪櫃總有少許冷飯, 最啱做炒飯.

為免當日蝦碌, 我提早在家練習一下, 不過我家人口眾多, 幾個B 幾個大人, 我第二日仲帶飯, 一下子就煮了十人份量, 不過其實一啲都唔難, 有相為證.

至於炒蛋先定炒飯先, 個人認為各有各好, 不過其他所有食材最好是預先炒好, 最後才炒在一起.

分享 2991 次閱讀 | 0 個healthyD評論
請按【讚好】!
讓更多網友天天分享到healthyD的健康快樂資訊。:D

我撐你

  • 撐!
  • 您的頭像會顯示在這裡

Facebook 評論


 

healthyD 評論


您需要先登入才能繼續本操作