cherryx0815

cherryx0815的BLOG

cherryx0815的主頁 | 查看全部BLOG


BLOG分類

1 / 1 篇BLOG

[有營Cafe推介] DSE同學的讀書好地方

2019-10-06 22:40
有時想去cafe坐吓,但係又唔想食得唔健康?今日我就會推介港九新界,平民價、坐得舒適嘅cafe,適合準備中學生或DSE 同學溫書嘅 Cafe 推介。

1. No Boundary Cafe — 銅鑼灣溫書好去處
我上網嘗試搵過適合溫書嘅 Cafe,但係呢啲地方一係就太過貴,一係就位於啲遠離市區嘅地方,一啲都唔就腳。最近,我同朋友想搵個地方靜靜哋做吓嘢,想食西餐但係又唔想太貴,咁啱經過呢間位於銅鑼灣希雲街嘅小店,見到 all-day breakfast 都係 $68 起,所以就入咗去試吓。

DSE 學生溫書聖地: 銅鑼灣 No Boundary Cafe (圖片來源:OpenRice)

呢間 cafe 叫做 No Boundary,店舖範圍唔大,但係勝在夠舒服,人流唔算多,相信坐耐少少都唔會俾人趕走,同學可以留耐少少喺度讀書。

銅鑼灣 No Boundary Cafe: All-day breakfast  (圖片來源:OpenRice)

一般西餐廳嘅 all-day breakfast 都會買超過$100 ,而呢度嘅 all-day breakfast 只係賣$68 ,而我最近經過呢間 cafe 見到佢最近推出左早餐、下午茶都只係$48起,我親身試過,真係價廉物美。如果同學嚟到港島區,想搵個地方坐下、食下野,順便溫書嘅話,No Boundary Cafe會係一個唔錯嘅選擇。

閱讀全文及Cafe地址請按此:[溫書好地方] 適合DSE同學讀書的Cafe推介

2. Whitewood Coffee — 沙田讀書 Cafe
如果同學係住沙田嗰邊嘅話,我會推介 Whitewood Coffee 呢一間 Cafe,呢度會提供一個舒適嘅環境,比同學專心去溫書,準備考 DSE。

Whitewood Coffee 位置係一個商場入面唔起眼嘅角落,店舖嘅範圍同樣唔大,目測呢間 Cafe 大概可以坐到20個人左右。雖然呢間 Cafe 嘅座位唔多,好快就滿座,但係 Cafe 入面嘅職員都好好人,唔會將客人趕走。

我同朋友就試過喺呢一間 Cafe 入面溫書,點咗兩杯飲品就坐左大半日。個人幾鍾意呢度嘅環境,但係朋友就覺得周圍有人講緊嘢有少少嘈,但係朋友戴咗耳機聽住音樂溫書其實都可以專心讀書。如果同學習慣溫書聽歌嘅話,相信同學都可以喺度專心溫書,備戰 DSE。

呢份係佢哋嘅招牌甜品。 (圖片來源:OpenRice)

閱讀全文及Cafe地址請按此:[溫書好地方] 適合DSE同學讀書的Cafe推介

3. Starbucks Coffee — 銅鑼灣溫書地方推介
因為我讀嘅中學喺銅鑼灣嗰邊,所以我會對呢一區比較熟。講到適合 DSE 同學溫書嘅 Cafe,又點少得 Starbucks 呢。

DSE 學生溫書好地方: Starbucks Coffee (圖片來源:OpenRice)

銅鑼灣本身嘅 Starbucks 門店唔少,但係位於利園三期嘅 Starbucks Coffee 旗艦店係上年 2018 年先開張嘅。店面全場有 5500 尺咁大,同學唔怕去到溫書嗰陣冇位坐。

我平時去 Starbucks 都會見到好多同學補習、溫 DSE,但係細細間嘅 coffee shop 通常都好快 full。呢間旗艦店又大,食物飲品選擇又多,同學買一款飲品都可以坐成日喺度溫 DSE,實在係唔錯嘅溫書地方。即使唔係溫書,同學都可以喺度做吓嘢,我自己都試過喺度寫DSE讀書分享文章,都坐得幾舒服架。

閱讀全文及Cafe地址請按此:[溫書好地方] 適合DSE同學讀書的Cafe推介
分享 81 次閱讀 | 0 個healthyD評論
請按【讚好】!
讓更多網友天天分享到healthyD的健康快樂資訊。:D

我撐你

  • 撐!
  • 您的頭像會顯示在這裡

Facebook 評論


 

healthyD 評論