跑步教練徐匯宗

跑步教練徐匯宗的BLOG

跑步教練徐匯宗的主頁 | 查看全部BLOG
自我介紹:
跑齡10年,長跑教練,同時任教「ROC街跑少年」及「Asics Running Club」,THEi 運動及康樂管理(榮譽)社會科學學士,全馬最佳成績為3小時09分。 https://www.facebook.com/hitandrunteam


BLOG分類

2 / 2 篇BLOG

寒冰練跑大法-西伯利亞人必讀攻略

標籤跑步  2018-01-09 09:39

如果你有留意天氣包膠,就知道黎緊一個禮拜嘅溫度會跌至最低個位數。可能我唔係西伯利亞人,所以做唔到冬天的冠軍。但我可以教下大家係咁嚴寒下練跑點樣做足保暖。

好啦,正所謂「工欲善其事,必先利其器」



【裝備篇】
1.
打底衫 (e.g Nike pro) 緊身衫有一定保暖作用,但首要係貼身,你唔好買件鬆palpal嘅緊身衫LOL

2. 風褸 唔好覺得著風褸會跑得慢左,風褸嘅擋風功能可以幫到你保唔少暖

3. 緊身Tight (常人稱現代褲) 點解會叫現代褲我就唔解釋咁多,但緊身Tight同緊身衫原理一樣,越貼身就越保暖

4. 手套 手套?洗碗手套?錯!係跑步手套,由於手、腳係離心臟最遠嘅地方,血液循環都會較弱,手、腳都會較易冰冷,戴返對跑步手套,除左型之外,都仲可以擋風、保暖。手掌唔失溫,整個人都會暖好多

【熱身篇】
係寒冷天氣下,切記唔好心急。正所謂一「步」錯,滿盤皆落索。係寒冷天氣下,除左你嘅意志會返咗你屋企將床之外,身體嘅筋腱同肌肉會比正常時間更加繃緊,係呢啲時間,你一做唔夠熱身就進行高強度訓練的話,你有好大好大好大機會拉傷。如果本身比較怕凍嘅你,不妨試下係練跑前飲返杯熱飲暖暖身先,一樣有效。

小小建議,係進行高強度訓練前,最好就慢跑1015分鐘先,令身體溫度稍為升高,再進行「動態拉筋」。「動態拉筋」相對比「靜態拉筋」好,因為動態拉筋會保持一個運動狀態,令你身體溫度不易回落。「動態拉筋」大家可以集中於下肢嘅大肌肉群,而「動態拉筋」建議大家都起碼要有1015分鐘。

【比賽篇】
撞正咁凍既日子,要去比賽真係好崩潰,如果有得揀,我會想返屋企訓教……但可惜唔得。真係落到場,我又可以點算?

1.
一件即棄雨衣

好多時寄完行李,去到臨開跑前都會有一段時間,係呢到時間你唔係叫我著住背心短褲吹風掛?呢個時間一件雨衣就係最好法保,既輕便又10級保暖!

2. 舊衫

如果你覺得即棄雨衣唔環保唔緊要,係屋企搵曬你啲又殘又唔岩著既衫出黎,寄完行李著住上線,起跑後跑至身體溫度提升,就揾個地方扔左去。(PS: 唔鼓勵亂拋垃圾)

3. 手套

如以上所講一樣咁有用,唔再多講。

4. 乳貼

天氣寒冷,皮膚乾燥,再加上衫褲鞋襪嘅高速摩擦,想唔出血都難啦..你明的

熱身

想要有好成績,就要做足熱身。內容唔多講,自己Loop返上去睇熱身篇


#尋求突破去改變自己
#
唔嘗試自己的極限只會原地踏步
#
成為西伯利亞人必讀攻略

https://www.facebook.com/hitandrunteam

分享 388 次閱讀 | 0 個healthyD評論
請按【讚好】!
讓更多網友天天分享到healthyD的健康快樂資訊。:D

我撐你

  • 撐!
  • 您的頭像會顯示在這裡

Facebook 評論


 

healthyD 評論


您需要先登入才能繼續本操作